you're reading...
Arabic, English, Testimonies, Videos

Aly Sobhy is not a thug علي صبحي مش بلطجي

علي صبحي ممثل شاب, 28 عام, اعتقله الجيش يوم 9 مارس 2011 اثناء فض اعتصام التحرير, و اخلى سبيله بعد حملة اعلامية ضاغطة يوم 12 مارس2011- مرفق شهادته

Aly Sobhy is a 28-year-old actor  who was arrested by the Egyptian army on Wednesday 9 March 2011 as the army was dispersing Tahrir square sit in. Aly was released 12th of March 2011 after a pressuring media campaign. (Scroll down to view English translation of his testimony)


شهادة علي:
انا هابتدى من اول الساعه 5 المغرب لما قمت من على قهوة الحميديه اللى فى  باب اللوق يوم الأربع 9|3|2011 أنا وصديقتى
(لبنى عصام )بعد أجتماع مع ناس صحابنا  وبالصدفه كان فى كلام عن السجون اللى مصر واللى بيحصل فيها(وشوف بقى حكمة ربنا يا مؤمن لما يحب يأكد لحد حاجه) المهم اتحركنا انا ولبنى رايحين على دار مريت للنشر فى شارع (قصر النيل)أول ماقمنا قررنا أننا نبص على الميدان عشان بقالنا أربع تيام مارحناش عشان كل واحد ملهى فى أكل عيشه …مشينا فى شارع التحرير لغاية ماصلنا الميدان ولقيناه زى ماسيبناه من أربع تيام زايد عليه أثار شوية البلطجيه اللى عدوا عليهم يوم التلات بالليل وحاولوا يضربوهم وضربوهم فعلاً بس العيال كانوا أرجل من البلطجيه وده الطبيعى…المهم ان اجمل تغيير شفته فى الميدان هو علم مصر العظيم اللى كان عالى قوى ومرفرف جداً وشكله خلانى عايز أقعد تانى وكانت بصراحه أكتر حاجه عجبانى بغض النظر عن الأعتصام يمكن كان عاجبنى أكتر من الأعتصام…المهم قعدنا نمدح شويه فى العلم ولفينا الصنيه وشفنا ناس صحبنا كتير بس هما ماشفوناش عشان أحنا كنا ماشين ماشيت سواح ولا نبالى بأى حاجه غير أن أحنا نوصل لمريت عن طريق التحرير….الحمد لله العيال تمام و(عايده )حلوه اهى وشايفها بتتكلم فى التليفون و(ميسره) بيتخانق مع الواد اللى واخد منه الطبله …أشطه جداً مشينا فى طريقنا على طول لغاية ماوصلنا عند شارع قصر النيل قدام المتحف الصرى بتاعنا اللى الجيش محتله ومخصصه لتعذيب المصريين وكان فى ناس كتير متجمعه فى المنطقه دى وكنا متخيلين انها مظاهرت وتمام والحياه  حلوه…. دخلنا شارع قصر النيل وقبل مانوصل مرييت سمعنا صوت عالى ورانا بصينا لقينا الجيش والشعب(اللى طلعوا بلطجيه من الشعب)بيجروا ناحية الميدان رجعنا نبص لقينا قلق جداً وبيرجعوا بخيام وحاجت …وفى هرج ومرج وناس بتجرى وعيال بتقول الجيش والشعب أيد واحده والبلطجيه معاهم شوم وبيجيبوا الناس اللى فى الميدان….لبنى خافت جداً ودى كانت أول مره تخاف بالشكل الغريب ده مع انها شافت حاجات اكتر وهو ده قلب الأم…كانت حاسه ان فى حاجه وحشه جداً هاتحصل ..المهم خدتها وطلعتها مرييت وأقنعتها انى نازل واهبقى فى أمان وهاكلمها على التليفون طول الوقت وماتقلقش…..نزلت تانى على الميدان  ووصلت عن المتحف لقيت العجب…..العساكر بيلموا أى حد بيصور… واى حد شكله محترم…. وأحد مابيقولش لموهم ولاد الوسخه دول اللى خربوا البلد…. الشعب يريد أخلاء الميدان…. لقيت نفسى تلقائياً بقول لموهم ولاد ميتين الكلب دول مش عارفين نروح شغلنا 

المهم بعد مابقيت واحد منهم وخدت الأمان ومالمونيش لقيتهم واخدين (رامى عصام )رايحين بيه ناحية المتحف
على:ايه يارامى فى ايه؟
رامى:(مزهولاً ومرعوباً)مش عارف!!!!!هو فى ايه؟
على: ماتقلقش هانتصرف
ورحت مكلم كالابابا وقايله
على :الحق ياكالابالا قبضوا على رامى
كالابالا:(بتوتر وسرعه)رامى مين؟
على:رامى عصام يا كلابالا
كالابالا:طب ماتقلقش هانخرجه بس تعالى انت بدل مايقبضوا عليك انت كمان
على :لأ اشطه ماتقلاقش أنا بقبض عليهم مع الجيش
المهم شويه وحاولت ادخل الميدان بس فعلاً كان هايتقبض عليا وقررت أرجع بعد ماعرفت ان معظم الناس اللى أعرفها هربوا من الميدان
رجعت تانى مكانى وانا راجع لقيتهم بيقبضوا على (اسماعيل جمال)الله يمسيه بالخير ونفس الحوار طبق الأصل بتاع رامى عصام زى مايكونوا متفقين قلتله ماتقلقش هانخرجك وكلمت (تارى جمال)أخته وقلتلها … شويه صغيرين لاقتيهم قابضين على (يوسف ومش عارف أسم باباه )كلمت(نفين التونى )عشان أعرف أسم باباه وقالتلى هاتبعتهولى ماسدج ومجاش لحد دلوقتى عشان تليفونى خده العسكرى وهو بيقبض عليا
كلمت (سلمى سعيد )عشان أتطمن عليها هى وعايد وقلتلها على أسماء الناس اللى شفتهم وقالتلى ماتقلقش هانتصرف
ملحوظه:كل الناس كانت بتقول ماتقلقش هانتصرف عشان هما واثقين انهم هايتصرفوا بس انا كنت بقول متقلقش عشان مش فاهم الرعب اللى على وشوش الناس دى كان ليه بس بعد ماخرجت من السجن عرفت
المهم ودى الحاجه اللى ممكن تكون كشفتنى انى تبع (الثوره )مش البلطجيه أنى شفت عسكرى شايل الطبله بتاعتى البرتقانى اللى بحبها اللى كان (ميسره)بيتخانق مع الواد عليها وماشى ناحية المتحف لقيتنى بجرى عليها وبقول لسلمى فى التليفون ده خدوا الطبله بتاعتى يا سلمى مليش دعوه خليهم يطلعوا الطبله كمان…قالتلى برضه ماتقلقش  هانطلع الطبله كمان وكانت حقيقى واثقه من نفسها…المهم شويه صغيرين جداً وقابلت واحد كان معتصم معانا وسألنى على الناس وطمنته وقلتله ماتقلقش وكل الناس بخير وهو كان مصر أعرفه هما فين!!!!!لحظتين وجه عسكرى وقفشنى وكان هو هو نفس الواد اللى قفش الطبله بتاعتى…..وتقريباً الطبله أعترفت عليا….المهم فى ايه يا عم أمشى معايا طب فيه ايه؟فين التليفون اللى معاك قلتله اهه وماسكه فى ايدى راح واخده حاطه فى جيبه وبيزقنى على المتحف وماسك الواد اللى كان واقف معايا فى ايده!!!مشيت معاه بأحترامى عشان متضربش فى الشارع زى بقيت الناس (عشان انا راجل فنان وعيب لما أنضرب قدام الناس)وصلنا عند المتحف راح سايب الواد يمشى وراح مدخلنى انا؟؟؟؟؟؟؟؟
وهى دى البدايه
معلش على المقدمه الطويله دى بس يمكن تكون مفيده
المهم اتشديت من الواد العسكرى جوه الكردون اللى الجيش عامله على مدخل المتحف اللى زمان كان عامل أخوه الشرطه بس الفرق أن الشعب) ماكنش بيتعاون مع (الشرطه )وده عيبه(
اول حاجه رُصيه حلوه من عيل عسكرى قصير معرفش يوصل لدماغى وانا بقوله فى ايه يابن عمى اهدى بس انا عملت ايه…..على فكره انا كل العساكر بقولها يابن عمى
أبن عمى:خربتوا البلد ياولاد الوسخه
على:ياعم ماتقلقش كله هايبقى تام وهانعرف نخرجك
والتانى بيضرنى على قفايا وانا شايف فى الخلفيه معركه غير متكافأه مابين ناس بيضربوا وناس بتتضرب بس فجأة ظابط شكله واخد فرق صاعقه بس جامد جداً طاير برجليه فى الهوا زى بروسلى وجاى عليا …العيال العساكر مسكنى من ايدى ومصدرنى ليه تقريباً وصل عندى ورزعن فى صدرى بالبياده اللى الميرى بتاعة (الجيش المصرى)اللى هو بتاع الشعب اللى كان بيقول الجيش والشعب ايد واحده
لبست الضربه فى صدرى وبالظبط فى الحته اللى فيها العمليه القديمه اللى فى الرئه اللى عاملها من سنتين ولسه اثارها موجوده وبعانى منها
وقعت على الأرض وانا متأكد انى مش هاقف تانى سحلونى من شعرى(أيام ماكان عندى شعر)والظابط ده بيتنطط فوقيا وبيقع ويقوم ويتنطط على كل حته فيا وصلت قدام شويه راحوا مقومنى ورابطنى من شعرى فى عمود أفقى كده مش عارف جابوه منين وبيعمل ايه هنا وقعدوا يضربونى فى ركبتى وقصبت رجلى وانا اقع على الأرض وشعرى يشدنى لفوق
بعد عذاب شعرى اتفك من الربطه السوده وهنا دعيت على شعرى اللى كنت بحبه
عسكرى ماسك موس وبيقطع فى شعرى وظابط بيضرب فيا كونج فو وعسكرى بيضربنى بشومه على ضهرى وعسكرى بيكهربنى بأليكترك شوك!!!!!!!!!!!!!وهنا بس أتأكدت من مدى قوتى لأنى لسه مامتش
ابتديت أتشاهد لأنى فى اى لحظه هاخد ضربه على دماغى ويجيلى نزيف حاد فى الدوره الدمويه واموت وهى دى الجمله الوحيده اللى فضلت أقولها لغاية ماركبت العربيه اللى موديانا السين 28 اللى هى أتعمل فيها اللوكيشن العظيم اللى أتصورنا فيه وأحنا مربوطين وقدامنا الأسلحه البيضه والمولتوف والقنابل بتاعة الشاى
أبن عمى:أرقد ياد يابن التييييييييييييييييت
وربطنى من أيدى ورا ضهرى وغمى عنايا بحاجه كده هابله كنت شايف منها كل حاجه وسحلنى عشان يدخلنى مكان خلانى أتأكد انى هاموت هنا
عباره عن اكوام لحم مترميه على الأرض وعسكر جيش مصر فوقيهم بكل انواع الضرب والتعذيب ….كهربا ……خرزانات….شوم .كابلات كهربائيه….البيادات بتاعتهم….هما شخصياً
وأترميت وسطهم وبقيت زيهم وكل شويه حد يترمى عليا ف الضرب يقل عليا بس هما أذكى طبعاً
شويه جاتلهم فكره حلوه اوى عشان أحنا مش راضيين نموت فقالوا يموتوا الحاجه اللى لو ماتت فينا ممكن نموت
العساكر كلهم:(بلهجه عسكريه) أرفع راسك فوق ياله انت مصرى!!!!!!!
أحنا الشعب كلنا:ايه ده خفوا وفهموا أحمدك يارب
وأحنا بنرفع راسنا فوق عشان أحنا مصريين ….ضربونا بالبيادات فى راسنا
صدمة العمر
الموضوع ده حصل لكل الناس وده اكدلى انه حصل بشكل جماعى وانى فعلاً سمعت صح لما لقيتهم بيقولوه مع بعض كلهم(ارفع راسك فوق ياله انت مصرى طخ فى وشك)تحيا مصر
هنا قررت أعيش وأبتدى أقول يارب نجينا من القوم الكافرين عشان لازم أحكى الحته دى بس الباقى مش مهم بالنسبه لى
بعد شويه من الكلام ده جه واحد شكله ظابط كبير أنا طبعاً مشفتوش بس صوته يدل على كده انا بوزى كان فى الأرض طول الوقت وقال بنبره شامخه وصادمه للعساكر
الظابط الكبير:بطل ضرب وقف الضرب
فى لحظه كان الضرب وقف وعشان كده عرفنا انه حد مهم ….عدى علينا عسكرى ابن حلال وشربنا ميه وهو شكله كان متأثر جداً من مناظرنا
المهم شربونا وبعدين قعدونا على مؤخرتنا(مع حفظ الألقاب)وقعدوا يصورونا كلوزات لوشوشنا وكانوا بيعدوا على واحد واحد… تلات كاميرات هاند وكاميره بى تو وظابط كبير ورا الكاميره البى تو بيقول للعسكرى المصور يعمل ايه(مخرج مدير تصوير)…صورونا ووثقوا حالتنا وكله تمام التمام وراحوا مجمعينا وفتشونا وخدوا كل الحاجات اللى فى جيوبنا معادا البطايق كله ده طبعاً والضرب والأهانه برضه لسه شغاله ومفيش أى أحترام للراجل الكبير اللى كان هنا من شويه وقال بطل ضرب….وقفونا صفوف زى فى الجيش وواحد واحد اتفتش وطلع على الأتوبيس الأتوبيسات بتتحمل وبتركن على جنب جمعوا الأتوبيسات كلهم ورا بعض وأحنا بنحمد ربنا أننا لسه عايشين واننا مش بنتضرب خلاص بس مرعوبين من المصير المجهول
فجاء سمعنا صوت مش غريب علينا …..صوت بناتى جذاب …جماعى…متناغم ….كلنا صبيان وبنات بنحبه
(أرفع راسك فوق أنت مصرى(
الله
الله
البنات قررت تغيظ الظباط ويقوللهم النشيد بتاعنا
العيال كلها أتكسفت من نفسها وبصوا فى الأرض لما لقوا البنات أرجل منهم
بس هما ماكنوش فاهمين ان البنات ماتضربتش عشان كده مش فارقه معاهم…وبعدين احنا لو عملنا كده هنتشنير
المهم اتحركنا على السين 28 اللى هى النيابه العسكريه اللى أتعمل فيها اللوكيشن بتاع محضر الضبط اللى اتزاع فى التلفزيون المصرى
ظابط مهندس ديكور بيظبط اللوكيشن وتحتيه اتنين عساكر مساعدين
ظابط مدير تصوير ومعاه تلاته اربعه اضاءه وواحده كاميرا مان برضه عساكر
ظابط كبير جداً وشكله محترم وده المخرج وعايز كل حاجه تخلص بسرعه وعمال يستعجلهم وده بقى المخرج
المهم جابوا العيال اللى شكلها غلط اللى انا منهم عشان سنانى مخلوعه وشعرى منكوش وحطوهم فى الوش وباقيت العيال اللى هما خلوا شكلهم شوارع جنبى من الناحيتين  ورصونا صفوف زى ماشفتوا
الأضاءه جاهزه يافندم تمام
المخرج :هاتولى الحرز بتاعهم
العساكر جابت السكاكين والمولوتوف وقنابل الشاى ورصوهم على الترابيظه وبدأمهندس الديكور بنفسه يحط لمساته عليهم …..يعنى يجيب دى جنب دى الأنبوبه دى جنب السكينه دى لمسة مهندس مخضرم برضه فى السيما
وده للحق برضه
المهم كله تمام يافندم مدير التصوير ادى الأوردر للكاميرا مان والراجل ماكدبش خبر وبدأ يصور وكلوزات بقى ومديمات ووايدات وكل اللى قلب أى مخرج فى الدنيا يحبه
الواد اللى قاعد جنبى راح مطلع تذكرتين المترو اللى كان راكبه وراح عامل بيهم علامة النصر وحاططهم قدام وشه الظابط قاله والله شاطره
هو ده يافندم اللى عور الظابط
الظابط التانى قاله تمام سيبهولى
شيل ياض التذاكر دى وغريبه جداً انه ماخدهمش منه مع انهم دليل على برأته بس للأسف خلونى أجيبهولهم الصبح قبل مانمشى وخدوا منه التذاكر وده غالباً لبس الظابط اللى أتعور وربنا يستر عليه مايخدش أعدام
المهم اتصورنا واتظبطنا وطلعت فى التلفزيون ياولاد وكده وركبونا العربيات تانى وسابونا لحد الصبح الساعه سبعه
الفجر كده جه ظابط حليوه وقالى تعالى
فكرتنى هاطلع وابتديت افرح بس رجعت شويه لما لقيته ماندهش على اسمى طب عرفنى منين
المهم تعالى طلعلى الواد اللى كان قاعد جنبك اللى معاه تذكرتين المترو
وساعتها ماقدرتش اقول لأ لأنى كنت هابقى أنا أللى عورت الظابط وبرضه هاخد أعدام
المهم الساعه سبعه تقريباً نزلوا مجموعه مننا وركبنا عربية الترحيلات ومش عارفين رايحين فين
من أول ماركبنا العربيه دى وفى واحد أسمه هشام عباس عمال يقول يا أخوانا أحنا بتوع الأتوبيس
و(عيد)عمال يضرب (صعيدى)بتاع الكوفيات اللى عليها أعلام مصر عشان هو اللى جابه هنا
وانا و(محمد طارق)بنشبه على بعض
وناس تانيه مش عارفه احنا رايحين فين ومش مهتمه تعرف عشان هما أصلاً كانوا ميتين من الضرب ومش مهم هانورح فين لأنه مش هايبقى أصعب م اللى فات
وكانت المفاجأه لما لقينا نفسنا على طريق مصر السوس
أحنا كده فى خطر
بعد كتير طبعاً نمنا وقومنا وعملنا حاجات كتير ولسه مبنوصلش مكان
المهم وصلنا السجن العمومى للقوات المسلحه بمنطقة الهايكستب
أول حاجه شفناها صوره كبييييييييييييييييييييييره للمعلم بتاعهم خسنى مبارك
وعلى باب السجن مكتوب رخامه كده من اللى هى قام سيادة القائد الأعلى للقوات المسلحه محمد حسنى مبارك
يالهوى
هو أحنا وصلنا شرم الشيخ
محدش فاهم حاجه
نزلنا من العربيه جوه السجن مع أسقبال محترم جداً أكاد أجزم أنه محصلش مع الأسرى الأسرائلين الأشقاء فى حرب 73
طريحه محترمه جداً خدناها ….بس المره دى وأحنا عريانين ولامؤاخذه يعنى باللباس بس
وطبعاً حاجات كتيره من اللى يحبها قلب البنى ادم اللى بيعذب من أول أنه يدوس على دماغك لغاية أنه يحطلك العصايه وصولاً لأنه يكهربك فى المصلحه
والعبد لله وبلا فخر أتوصوا بيه أوى فى الموضوع ده وكان حديث السجن فى الفتره دى كلها وكان مزار شعبى للعساكر عشان عايزين يشو فوا الممثل
العساكر:ايه شعرك ده ياله
انا:معلش يافندم
العساكر :بتشتغل ايه ياله؟
انا:ممثل
العساكر:ياختى ياحلوه ممثل بتمثلى فين يابيضه
وضربه بقى زغده يحط العصايه
صباح الفل
انا كده عرفت أنهم ممكن يغتصبونى هنا
عساكر وبقالهم 45يوم ماقلعوش البيادات وهى دى المشكله الوحيده اللى كانت مخلياهم يضربونا…انهم مقلعوش البياده(الجزمه)بقالهم 45يوم ياسبحان الله
المهم جزولى شعرى طبعاً زى الخرفان
وبعدين دخلنا على الدكاتره اللى سألونا حد عامل عمليات قبل كده
انا:أيوه يافندم انا عامل عمليه فى الرئه وحاسس بأعرضها دلوقتى وبتنفس بالعافيه
الدكاتره : ماشى ماشى
ودونوا ده عندهم وبصوا علينا وبعدين دخلنالهم العياده بتاعتهم ووثقوا حالتنا بالظبط
(كدمات وجروح سطحيه)أمضى ياله حاضر يا فندم
ده الدكتور برضه
مجتمع متكامل
خرجنا طابور كبير وكل العساكر اللى بتقابلنا بتحتفل بينا
دخلونا على مكان واسع أسمه سجن 3زائرين
وحبسونا فى زنانزين هما أربعتاشر زنزانه
كل شويه نشوف مجموعه تيجى وشكلهم اتعمل عليهم نفس النمره
طبعاً معظمنا نام من العلقه اللى واخدينا والأرهاق والتعب
صحينا وهما بيجمعونا كلنا  وده كان أول تجمع لينا كلنا مع بعض عددنا كبير جداً وناس كتير عارفه بعض وناس أكتر مش عارفه بعض
خدونا على مكان بره الحته دى بس فى السجن برضه أسمه مبنى القياده
المبنى ده مكتوب عليه أسم محمد زفت مبارك مرتين
وعليه صورتين بس
واحده ليه
وواحد للمشير طنطاوى
تمام جداً هرشنا اللعبه
كل مجموعه عشر عيال زى الورد
عليهم ظابط حليوه بيقولوا عليه وكيل نيابه بيحقق معاهم
كلهم بيهزروا وبيضحكوا وبيضربوا بعض عادى كده بهزار ويضربونا أحنا بجد
والله العظيم كان بالنسبه لهم جو رحله
محدش منهم متكدر انه جاى المشوار ده كله ولا أى حاجه ولا أنه حتى زيه زى العساكر دى بقاله 45يوم بيشتغل ويحبس فى ناس عادى
رحله
المهم دخلت انا وأتنين تانين معرفهمش عشان يتحقق معانا….دخلناله وواحد واحد
وانا قاعد مستنى دورى كان فى وكيل نيابه بيحقق مع واحده أسمها مريم وهو بيتكلم فى التليفون مع واحد وبيقوله ياعم تعالى قضى معانا الساعتين دول
أقسم بالله ده حصل قدام عينى وودنى وجسدى كله اللى كان مرمى على الأرض وبيسترق كل شويه النظر عشان يشوف مين وكيل النيابه العسل ده …ومين البت مريم الهابله دى اللى مخليه واحد كده يحقق معاها
المهم جه دورى ودخلت لوكيل النيابه
وده كمان نمره تانيه
فاتح الجاكت بتاعه وشاب كول جداً وشكله محترم وعامل محضر محترم
المحضر فيه كل الحاجات اللى كانت على الترابيزه دى اللى شوفتوها فى التلفزيون كانت معايا وغير كده كسر حظر تجول
يعنى أنا لو منه هاطخنى بالنار وأنا واقف مكانى ومش هاحتاج تحقيق
بعد ماخلص المحضر قالى أيه اللى حصل معاك يا حبيبى
قلتله الحقيقه كلها دون زياده أو نقصان
انى كنت واقف بتفرج على الجيش وهو بيقبض على البلطجيه وبعدين مسكونى معاهم وأنا جاى هنا غلط
قالى كلهم قالوا كده وقال للكاتب كتبت يابنى قاله أه قالى طيب أمضى
مضيت وانا قافل بقى وبعدين قلتله طب يافندم انا أيه اللى هايحصل معايا
بص لى وهو مبتسم أبتسامه والله ماهنساها طول عمرىوهو بيقولى
وكيل النيابه:ههههههه ولا حاجه هاتتعرض على المحكمه ههههههه وهاتلبس من خمس لسبع سنين ههههههههههه
انا:قعدت أضحك
نزلت من عند وكيل النيابه وأنا منهار وبعيط بعد ماقعدت بره شويه تانين مستنى الواد التالت وهو بيتحقق معايا وسمعت بنت عندها تقريبا 20 سنه عماله تتحايل على وكيل النيابه أنه ماتبصمش على المحضر وكانت بتبوس جزمته
أول لحظه أعيط فيها
نزلنا قعدنا ساعتين فى البرد على ما النيابه خلصت بعدين دخلونا عشره عشره على المحكمه
الكوميديه السوداء
بنتحاكم فى الميز بتاع الظباط
واللى ميعرفش الميز فاهو المطبخ
والعيال الطباخين شغالين والمحكمه شغاله وكله بيلعب يامعلم وفى القفص صاحى  و ملعلط
وكل شويه القاضى يقول للعسكرى سكت العيال دى يروح العسكرى للعساكر اللى فى المطبخ يقولهم لو سمحتوا وطوا سوتكوا عشان مش عارفين نشتغل
العساكر يقولوا يعنى أحنا اللى بنلعب ماحنا بنشتغل
العسكرى يقولهم وانا مالى ماهو اللى قالى
والله العظيم فصلونى من المحكمه والكلام المهم اللى كان بيقوله القاضى والمحاميين الكومبارسات اللى شفتهم كتير فى أفلام لناس كتير محترمه
وهكذا
وهكذا
وهكذا
تمثيل على تمثيل
وكانوا بيفشخونى عشان ممثل
المهم نسيت أقول أنهم قبل ماندخل النيابه كلنا لأول مره مش عارف الساعه كانت كام بس كلنا رز نى وخضار سوتيه طعمه حلو اوى وحلو بجد مش هزار وكانت أكتر حاجه حبتها  بعد الواد صعيدى وعيد اللى طول الأربع تيام لغاية مامشيت بيضربوا فى بعض
المهم برضه رحنا على الزنازين ونمنا نوم عميق وحلمنا احلام جميله مافيهاش تعذيب ولا كهربه عشان كنا شبه مساطيل من الرز والخضار السوتيه الجميل جداً
وده اليوم الوحيد اللى كلنا فيه رز
وده اليوم الحيد اللى عرفت أنام فيه من صدرى وضهرى ولامؤاخذه المؤخره وركبى وصباعى السبابه اللى وارم وضرب الولا اللى كان نايم جنبى(أحمد عسليه)المهم
خرجت بالسلامه أنا ومجموعه بعض ضغط الناس اللى بره علشانا ولولا كده كنا كلنا هانلبس أحكام ميرى
وأدينى أهوه بعد ده كله بقول على كل حاجه وانا مش متأثر نفسياً
وأدينى أهه بقولهم لأنهم هايشوفوا الكلام ده عاجلاً أم أجلاً
أنا عمرى ماكنت قوى زى دلوقتى وعرفت أنى مش هاخلّص غير لما أموت
والطريقه الوحيده اللى تخلصوا بيها مننا هى
أنكوا تخلصوا على شعب مصر
يحيا كفاح شعب مصر
على صبحى
فنان
وقرر يبقى بلطجى
بس مش على كل الناس
الأتنين 14 مارس 2011

Aly’s testimony:

Translator’s Note: ‘Raise your head high, you’re Egyptian’ is one of the most enduring slogans to come out of the revolution. It emerged on the day of Mubarak’s resignation, and was embraced by all of Egypt.

I’m going to start from 5 in the afternoon, from when I got up and left the al-Hamidiya coffeeshop in Bab el-Louq on Wednesday 9/3/2011with my friend Lobna Essam after a meeting with some friends. By chance we’d been talking about Egyptian prisons and what happens inside them (see God’s wisdom when he wants to prove something to you!). Anyway, Lobna and I started moving towards Dar Merit publishing house on Kasr el-Nil Street. When we got up to leave, we decided to take a look at Tahrir Square because we both hadn’t been there in four days because we’d been caught up in making a living.

We walked along Tahrir Street until we got to the square and we found it like we’d left it four days ago, plus a few traces left behind by the bunch of thugs who attacked them on Tuesday night and tried to beat them up and actually did beat them up but the kids were tougher than the thugs, as usual. Anyway the nicest change that I noticed in the square was that glorious Egyptian flag that was flying really high and fluttering, and looking at it made me want to stay in the square again. And honestly, it was that flag that appealed to me the most, not considering the sit-in, and maybe I liked it even more than the sit-in. Anyway we sat for a bit and waxed poetic about the flag and we walked around the roundabout and we saw a lot of our friends but they didn’t see us because we were walking around like tourists, just wanting to get to Dar Merit through Tahrir. Everyone’s fine, God be praised . . . Aida’s good, I can see her talking on the phone; Maysara’s fighting with the kid who took his tabla drum. Very cool.

So we kept on our path and walked straight until we got to Kasr el-Nil Street, across from our Egyptian Museum that the army’s been occupying and using to torture Egyptians, and there were lots of people gathered around that area and we thought it was protests and everything’s fine and life’s good. We went into Kasr el-Nil Street and before we reached Merit we heard loud noise coming from behind us. We looked back and we saw the army and the people (who turned out to be the thugs among ‘the people’) running towards the square. We went back to take a look and we saw that things were really messy and people were running back with tents and things and there’s chaos and people running and kids shouting “The People and the Army are One” and the thugs have wooden staffs and they’re taking the people from the square.

Lobna got really scared and this was the first time she’d gotten so scared which was strange since she’d seen worse before. That was mother’s intuition talking – she had a feeling that something really bad was about to happen. Anyway, I took her up to Merit and persuaded her that I’m going back down and I’ll be safe and I’ll talk to her on the phone the whole time and that she shouldn’t worry. I went back down to the square and when I got to the museum I saw, wonder of wonders, soldiers rounding up anyone taking photos… and anyone who looked respectable… and anyone who wasn’t saying “Pick them up those sons of bitches who wrecked the country! The People Want to Clear the Square!” and I found myself spontaneously saying “Yes pick them up those dirty sons of bitches, we can’t go to work because of them!”

Anyway after I became one of them and was got on the safe side I saw them taking Ramy Essam and heading with him towards the museum.

Aly: Ramy, what’s going on?

Ramy (stunned and terrified): I don’t know!!!!! What’s going on?!

Aly: Don’t worry, we’ll take care of it.

So I called Kalabala and told him.

Aly: Shit, Kalabala, they arrested Ramy!

Kalabala (fast and anxious): Ramy who?

Aly: Ramy Essam, Kalabala.

Kalabala: Ok don’t worry we’ll get him out, but just come before they

arrest you as well.

Aly: No it’s cool don’t worry, I’m arresting them with the army.

Anyway, after a while I tried to get into the square but I was really going to get arrested so I decided to go back after I found out that most of the people I know managed to escape from the square. I went back to my spot and as I was going back I saw them arresting Ismail Gamal, God bless him, and the exact same conversation took place as the one with Ramy Essam, as if they’d agreed on it. I told him don’t worry we’ll get you out and I called Tari Gamal, his sister, and told her. A little while later I saw them arresting Youssef I-Don’t-Know-His-Dad’s-Name. I called Niveen el-Touny to find out his dad’s name and she told me she’d send it to me in a text message, which I haven’t received till now because the soldier took my phone as he was arresting me.

I called Salma Said to check up on her and Aida and I told her the names of the people I’d seen and she told me don’t worry, we’ll take care of it. Note: Everyone was saying don’t worry we’ll take care of it because they were confident that they were going to take care of it but I was saying don’t worry because I didn’t understand the reason for the terrified look on people’s faces, but after I came out of jail I knew.

Anyway – and this is probably where my cover was blown and they found out I was with the revolution not with the thugs – I saw a soldier carrying my orange tabla drum, the one I love, the one Maysara was fighting over with the kid, and walking towards the museum. I found myself running towards it and telling Salma on the phone “They took my

drum,  Salma, I don’t care, make them let my drum go, too!” So she said again “Don’t worry, we’ll get the drum out as well” and she really sounded sure of herself. Anyway a tiny little while after I met a guy who was at the sit-in with us and he asked me about everyone and I reassured him and told him don’t worry everyone’s fine and he insisted I tell him where they were!

Two seconds later a soldier came and caught me and he was the same kid who had caught my drum . . . the drum had probably ratted me out . . . anyway “What’s going on, man?” “Come with me!” “Ok, what’s going on?” “Where’s your phone?” “Here it is,” I said, holding it in my hand and he took it and put it in his pocket. He was pushing me towards the museum and was holding the other kid that was with me by the hand! I walked with him without resisting, to preserve my dignity so I wouldn’t get beaten up in the street like the rest of the people (because I am a gentleman Artist and it wouldn’t do for me to get

beaten up in public). We got to the museum and he let the kid go and he sent me in (?????)

And this was the beginning. Sorry for that long introduction, but it might be useful.

Anyway I was pulled by this soldier kid inside the cordon that the army had created outside the museum like the one that their brothers, the police, had made before, but the difference is that before, the people were not cooperating with the police. First thing was a nice head-butt from a short soldier kid who couldn’t reach my head and I was telling him, “What’s up, my cousin, relax, what did I do” and, by the way, I call all soldiers ‘my cousin’:

My cousin: You screwed up the country you dirty sons of bitches!

Aly: Don’t worry man, everything’s gonna be fine, we’ll get you out.

Another was hitting me on the back of the neck and I could see in the background an uneven battle between people hitting and people getting hit and suddenly an officer, who looked like he’d had special forces training but super tough, was flying with his legs in the air like Bruce Lee right towards me. The soldier kids were holding me by the arms and pushing me forward for him and he slammed me in the chest with the army-issued boots that are worn by the army, the army that’s with the people, the people that used to say “The People and the Army are One.”

I took the blow square in the chest and precisely in the spot where I had my lung surgery two years ago, the scars of which are still there and which I still suffer from. I fell on the ground, sure that I would never stand again, and they dragged me by the hair (in the days when I still had hair) and this officer was jumping up and down on me and falling onto me and getting up and jumping up and down on every part of me. I moved forward a bit and then they stood me up and tied me by the hair from a horizontal pole – I don’t know where they got it from – and they kept hitting me in the knees and shins and I would fall towards the ground and my hair would pull me up. After some time of this torture my hair got loose from the the black tie and here I cursed my hair that I used to love. One soldier’s holding a razor and hacking away at my hair and an officer’s doing his Kung Fu moves on me and another soldier’s hitting me with a wooden staff across my back and

another soldier’s electrocuting me!!!!! And only here did I begin to be sure of my strength, because I wasn’t dead yet. I started to say my testament of faith because at any moment I was going to get a blow to the head and suffer severe hemorrhaging and die. And that was all I kept repeating until I got into the car that would take us to Scene 28, where the set had been prepared and where we were filmed shackled and in front of us knives and cutlasses and Molotov cocktails and bombs made from tea sets.

My cousin: Lie down you son of a *beeeeeeeeeep*!

And he tied my hands behind my back and blindfolded me with this silly thing I could see everything through and then he dragged me into a place he made me feel certain I would die in.

It was like piles of meat thrown on the ground and the soldiers of Egypt’s armed forces on top of them, raining down on them all kinds of beating and torture: electrocution, sticks, wooden staffs, electric cables, their boots, they themselves. I was tossed among them and I became like them and every once in a while someone’s thrown on top of me so I end up getting a bit less beaten, but of course they’re much smarter than that.

After a bit they got this great idea, because we were refusing to die . . . so they thought, instead, they would kill the thing in us that, if it were to die, we would die.

All the soldiers together (military style): Raise your head high, boy, you’re Egyptian!

Us, the people, all of us: Wow, they laid off and finally got it, thank you God!

And as we raised our heads up because we’re Egyptian, they kicked us in the head with their boots.

The shock of a lifetime.

This happened to everyone, which proved to me that it happened in a collective way and that I’d really heard right when they all said together, “Raise your head high, boy, you’re Egyptian, BANG in your face.” Long live Egypt.

Here I decided to live and I started saying God save us from these infidels because I have to tell just this part of the story, the rest isn’t important to me.

After a while of this kind of thing, this officer came who looked like a big gun. I didn’t see him of course but from his voice he sounded like a big deal. My chin was on the ground the whole time and he said to the soldiers in a proud and formidable tone:

The Big Gun: Stop the beating.

In a second the beating had stopped and that’s how we knew he was someone important. A kind soldier came around giving us water and he seemed really moved by our appearance. Anyway they gave us water and then they sat us down on our behinds (making sure to call things by their formal names) and then they started taking close-up shots of our faces and they went through us one by one. Three hand-held cameras and one B-2 camera and a senior officer behind the B-2 camera telling the soldier

shooting what to do (a Director of Photography).

They filmed us and documented the state we were in and everything’s all fine and then they gathered us together and searched us and took everything that was in our pockets except our IDs, all this of course with the hitting and cursing still going on, no respect at all for the big man who was just here a little while ago who said stop the beating. We stood in rows like in the army and one by one we were searched and then got on the bus. The buses were filling up then parking on the side, all in a row. We were thanking God that we were still alive and that we weren’t getting beaten at all, but we were terrified of our unknown fate.

Suddenly we heard a familiar sound, an attractive and feminine sound, collective, harmonious, a sound that, all of us, girls and boys, are fond of: “Raise your head high, you’re Egyptian!”

Wow.

Wow.

The girls decided to taunt the soldiers and chant to them our slogan! All the guys were embarrassed and looked down at the floor when they found out that the girls had more balls than them. But they didn’t know that the girls hadn’t been beaten which was why they didn’t care. And if we did the same thing, we would get totally screwed.

Anyway so we went to Scene 28 which was the Military Prosecution where the set was prepared for the arrest report that was broadcast on Egyptian television. An interior decoration officer was fixing up the set with two soldier assistants under him. A Director of Photography officer with three or four light crew guys and one cameraman, also soldiers. And a very respectable-looking senior officer who wanted everything to finish quickly and who kept hurrying them. This was the director.

Anyway they brought out the kids that looked dodgy – which included me because my front teeth are gone and my hair was a mess – and put them in the front. The rest of the kids  – that they made look like they were from the streets – they put on either side of me and then they arranged us in rows like you saw.

The lighting is ready, sir.

The Director: Get me their seized weapons.

The soldiers got the knives and the Molotov cocktails and the bombs made out of tea and laid them out on the table and the Interior Decorator started adding his personal touch to the display. This next to that, this gas cooker next to that knife – and this, I have to be fair, was indeed the fine touch of a master film industry decorator.<span> </span>

Anyway, all ready, sir, and the Director of Photography gave his order to the cameraman and the man took his word and started to take close-ups and medium shots and wide angles and everything any director’s heart would desire.

The kid sitting next to me took out two tickets he had for the metro he was riding and put them in front of his face in a V for Victory and the officer said to him, Oh well done.

“This is the one who injured the officer, sir.”

The other officer said, “It’s okay, leave him to me. Put these tickets away, boy.” The strange thing is that he didn’t take them away from him even though they were evidence that he’s innocent, but unfortunately they made me bring him to them in the morning before we left and they took the tickets away from him and probably framed him for the officer’s injury and let’s just hope he doesn’t get a death sentence.

Anyway, so they filmed us and sorted us out and I got to be on TV and stuff, kids! Then they put us on the buses again and left us till the morning. Around 7 am this cute officer came and said, Come. I thought I was getting out and I started to cheer up but then I got a sinking feeling in my gut when I realised he hadn’t called me by my name. So how did he know me? Anyway, “Come, get me the kid that was sitting next to you with the two metro tickets.” I couldn’t say no because then I would’ve been the one who had injured the officer and then I’d be sentenced to death.

Anyway around 7 o’clock they brought a bunch of us down and put us into the prisoners’ transfer truck and we didn’t know where we were going. As soon as we got into this truck this guy called Hisham Abbas kept saying “We’re the people of the bus”* and Eid was hitting Se’eedy, the guy with the scarves with the Egyptian flag on them because he was the one who brought him here and me and Mohammad Tarek were trying to figure out where we knew each other from. And others who didn’t know where we were going and didn’t care because they were already as good as dead from the beating and it didn’t matter where we were going because it wouldn’t be worse than what had passed.

And the big surprise came when we found ourselves on the Cairo-Suez Road. Now we’re in trouble. After ages of course we slept and we got up and we did a bunch of other stuff and we still hadn’t arrived anywhere.

Anyway, we got to the Armed Forces’ Main Prison at Hikestep. And the first thing we saw was a huuuuuuuuuuge picture of their big boss Hosni Mubarak. And there by the prison gates was written all this crap about ‘the Commander in Chief of the Armed Forces Mohammed Hosni Mubarak has done this and that’.

Shit.

Are we in Sharm el-Sheikh?

No-one’s got a clue about what’s going on.

We came out of the truck inside the prison and received a very respectable welcome that I daresay was not offered to our Israeli brothers who were taken as prisoners of war in the ’73 war.

A very respectable reception, we got. But this time we were, excuse me, naked, I mean only in our underpants. And of course we got a lot of things any tortured human being’s heart would desire, from stepping on our head to having a stick shoved into us to getting electrocuted in our sensitives. And this poor servant of God, not to boast or anything, they really gave him the treatment with this one. It was the talk of  the whole prison around this time and was like a tourist attraction for the soldiers because they wanted to see ‘the actor’.

The Soldiers: What’s this hair, boy

Me: Sorry, sir

The Soldiers: What’s your job, boy?

Me: Actor

The Soldiers: Ohhh sweetheart, little sis is an actor. What do you act in

darling?

Some beating and then a poke and then he puts in the stick.

Good morning!

And so I realised they could rape me here. Soldiers and they’d gone 45 days without removing their boots, and that was the only problem that made them beat us . . . that they hadn’t taken off their boots in 45 days. Hallelujah.

Anyway, so they sheared my hair off, of course, like a sheep. And then we went in to see the doctors who asked us if anyone had any surgeries before.

Me: Yes sir, I’ve had surgery on my lungs and I can feel its effects now and I’m having trouble breathing.

The Doctors: Okay okay.

They noted this down and took a look at us and then we went into their clinic and they documented our states precisely: bruises and superficial wounds. Sign this, boy. Yes, sir.

And this is the doctor.

A complete community.

We went out in a big line and were celebrated by all the soldiers we met. They took us into a big space called Prison 3 – Visitors. And they locked us up in cells, 14 cells in total. From time to time we saw a new group coming in, looking like the same number had been done on them. And of course most of us fell asleep from the beating we took and the exhaustion and fatigue.

We woke up to them gathering us all and this was the first time we were all gathered together, a huge number. Many people knew each other and even more people didn’t. They took us to a place outside this part but still inside the prison called the Command Building. This building had the name Hosni – shit – Mubarak written on it twice. And it only had 2 photographs.

One of him.

One of General Tantawy.

Excellent. Now we get the game.

Every group is ten kids, young as roses. Heading them is a cute officer they call a Public Prosecutor who’s investigating the cases. They’re all kidding around and laughing and hitting each other jokingly and then hitting us for real. I swear to God it was like they

were on some fun field trip.

None of them is pissed off at the fact that they had to come all this way or even that he’s had this army uniform on for 45 days. He’s working, locking people up, no big deal.

A field trip.

Anyway I went in, me and two people I don’t know, for questioning. We went in one by one. As I was sitting waiting for my turn the public prosecutor was questioning a girl called Mariam and he was talking to someone on the phone saying, “Come on man, why don’t you come spend those couple of hours with us.”

I swear to God this happened in front of my eyes and my ears and my whole body that was tossed on the ground stealing a look every so often so I can see who’s this sweet public prosecutor . . . and who’s this chick Mariam who’s letting a guy like that investigate her.

Anyway then it was my turn and I went in to the prosecutor. And this guy was something else. Open jacket, very cool dude, looked very decent and he’d written a very decent arrest report. The report mentioned all the things that were on the table that you saw with on TV, and also . . . breaking the curfew.

I mean, if I were him I would just shoot me right then and there, no investigation needed. After he finished the report he said, “What happened with you, darling?”

I told him the whole truth, no more, no less. That I was standing watching the army arresting the thugs and then they caught me with them and that I came here by mistake. He said that’s what they all say and then he said to the writer, “Did you write that, son?” He said “Yes”, so he told me “Okay, sign.”

I signed and then I said “Okay sir, so what’s gonna happen to me?” He looked at me smiling this smile that I swear to God I will never forget as long as I live, and said:

Prosecutor: Hahahaha nothing, you’ll appear before the court hahahahahaha and you’re gonna get 5 to 7 years, hahahahahaha

I: started laughing.

I came out of the prosecutor’s falling apart, crying after I sat outside for a while longer waiting for the third guy to get done with the questioning and I heard a girl who was about 20 years old begging the prosecutor to not sign the report and kissing his shoes.

It was the first time I cried.

We went out and sat for two hours in the cold until the prosecution were finished and then they took us, ten at a time, into the court.

The Black Comedy

We’re being tried in the officer’s mess. And for those who don’t know what a mess is, it’s the canteen.

And the cooks were working away and the court was in session and everyone’s playing, man, everyone bright and perky. And every so often the judge would tell a soldier to tell those kids to shut up, so the soldier would go to the soldiers in the kitchen and tell them “please lower your voices because we can’t work like this.”

And the soldiers would go “It’s not like we’re playing, we’re working too.” And the soldier would go “It’s not my fault, he’s the one who said.” I swear to God they drew my attention away from the court and all the important things that were being said by the judge and the lawyers, those extras that I’ve seen in a lot of great films.

And so on.

And so on.

And so on.

Acting, acting, and more acting.

And they were screwing me over because I’m an actor.

Anyway, I forgot to say that before we went in to see the prosecutor we ate for the first time. I don’t know what time it was but we ate raw rice and boiled vegetables that tasted really good I mean seriously good, I’m not kidding, and it was the thing I liked most after that kid Se’eedy and Eid who for the whole four days until I left were hitting each other.

Anyway we went to the cells and slept deeply and dreamed beautiful dreams that didn’t have any torture or electrocution in them because we were almost stoned from the rice and the very nice boiled vegetables.

And that was the only day we ate rice.

And that was the only day I managed to sleep because of my chest and my back and my – excuse me – behind and my knees and my index finger that was swollen and that kept jabbing the guy sleeping next to me, Ahmed Asaliya. Anyway.

I got out safely, me and a group, after pressure for our release by people outside, and if it wasn’t for that we would’ve gotten court-marshaled. And here I am after all that saying everything without feeling emotionally affected.

And here I am telling them because they’re going to see these words sooner or later.

I’ve never been as strong as I am right now and I know that I won’t

be done until I die,

and the only way to get rid of us is

to finish off the people of Egypt.

Long live the struggle of the Egyptian people.

Aly Sobhy

An artist

who decided to become a thug.

But not to everyone.

Monday 14 March 2011

*’We’re the People of the Bus’ is the title of a 1979 Egyptian film about political dissidence.
Translated by Wiam El-Tamami and Motaz Attalla

Related links:

Article on the arrest of Aly Sobhy

Video on Aly فيديو عن علي

Another video فيديو اخر

Facebook page صفحة الفيسبوك

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

تابعنا على تويتر

  • نقلا عن محمد حافظ المحامي في #القضية_١٢٧_جنايات_عسكرية حكمت المحكمة العسكرية بالاسكندرية على ٩ متهمين بالسجن... fb.me/3b6s0GMIO 2 weeks ago
  • خالد أحمد مصطفى الصغير 26 سنة، مهندس وواحد من الشباب اللى اتقبض عليهم فى القضية 174/2015 حنايات عسكرية غرب،... fb.me/7YDU9N9fI 2 weeks ago
  • #لا_للمحاكمات_العسكرية_للمدنيين fb.me/4uYrw8PIH 2 weeks ago

صفحتنا على الفيس بوك

%d bloggers like this: